Lengkara Lumaksana

Om swastyastu Ida dané sané banget wangiang titiang. Ring galah sané mangkin titiang jagi nyobiahang indik Lengkara Lumaksana.
Durusang cingak ring sor puniki.



Teges Lengkara Lumaksana

1. Lengkara Lumaksana
Wangun lengkara lumaksana miwah linaksana ring basa Bali mesib pisan sekadi ring basa Indonésia, lumbrahipun lengkarané puniki kasinahang antuk piorah lengkaranipun. Yening sajeroning lengkara, kaanan kruna kria malaksana, pamekas jejering utawi puguhing lengkaranipun ngelaksanayang pekaryan utawi ngemargiang pakaryan , punika kawastanin Lengkara Lumaksana ( Kalimat Aktif ).
Umpamin ipun sane nglaksanayang karya dados unteng bebaosan :
• I Putu Setiawan jemet pesan malajah.
• Para sisiane sami sedek ngwéntenang bazar ring sekolahan
Ring lengkarané punika, sang nglaksanayang pakaryan sané dados unteng wiadin pokok bebaosan, mawasta pikukuhing lengkara. Pikukuhing lengkara wiadin jejering lengkara punika kawangun antuk kruna aran.

2. Lengkara Linaksana
Lengkara Linaksana teges ipun wangun lengkara sané jejering utawi puguhing lengkaranipun kakenéning karya utawi parilaksana antuk penampén lengkarané.
Lengkara Linaksana puniki kacihnayang antuk karya sané sampun puput kalaksananyang
(kalimat pasif).
Soroh lengkara Linaksana :
• Lengkara Linaksana kaping 1
Sané kapratama winangun antuk kruna kriya dados jejering lengkara.
Umpami : “Alih-alihin tiang Nyoman uli tuni”
“Uberina panginané tekén manuké kanti leleh”
• Lengkara Linaksana kaping 2
Sané kaping kalih puniki winangun antuk pangater ka-, kadulurin kurna kria dados jejering.
Umpami : “Ipun kacingak olih dané jero mangku”
“Ajengané kabungkus antuk dagang nasiné”.
• Lengkara Linaksana kaping 3
Sané kaping tiga puniki kacihnayang antuk wangun pangater ka-, miwah pangiring -ang,
wiadin pangater ma-, sané pacang ngawetuang karya Linaksana (pasif).
Umpami : “Luluné kaentungang di tegalé”
“Sampiné kategulang di punyan kayuné”

Pabinayan Lengkara Lumaksana miwah Lengkara Linaksana
Lengkara lumaksana Lengkara linaksana
Lengkara Lumaksana kahanan kruna kria malaksana, jejering utawi puguhing lengkaranipun ngalaksanayang pekaryan utawi ngamargiang pakaryan .
Lengkara Lumaksana kacihnayang antuk pakaryan sané sedeng kalaksanayang
Lengkara Linaksana jejering utawi puguhing lengkaranipun kakenénin karya utawi parilaksana antuk penampén lengkarané.
Lengkara Linaksana puniki kacihnayang antuk karya sané sampun puput kalaksananyang.

Wantah asapunika sané prasida atur titiang, manawita wénten galah malih tur lantang tuuh, irika malih wewehin titiang. Kaping ungkur puputang titiang antuk parama santih.
Om santih, santih, santih om