Om swastyastu,
Majeng Ida dane sareng sami banget wangiang titiang, ngiring sareng-sareng melajah basa Bali, tetujonnyané mangda basa Bali ngancan nglimbak miwah ajeg. Sane mangkin titiang jagi ngicenin imba ngenenin indik dialog utawi drama sane nganggen basa Bali. Dialog punika nganggen basita paribasa (Peribahasa) ring unteng bebaosan puniki. Lempas sareng cerita sane wenten ring drama puniki wantah kaanggen imba kemanten. Tatujone mangda prasida uning tur prasida nganggen basita paribasa rikala mabebaosan utawi magegonjakan sareng sawitra miwah sane lianan, Sinampura titiang nénten malih mabaos kangin kauh. Inggih mangda nenten akeh nelasang galah durusang wacen manten ring sor puniki.
Narasi : Sedek dina anu, murid-murid barune ngawitin nyalaning Ospek ring Universitas Udayana, derika lantas matemu sinamian logat-logat anak bali sane malianan. Ritatkala murid-murid barune sedeng mapunduh sambil megending maliang-liangan. Ditu lantas tepukine teken seniorne.
Koncreng : “We timpal-timpal, mai je malu tolih ke adik kelase nyampat gen sing beneh, sube murid baru misi ngendah buin dini” (logat denpasar)
Luh Sangkur : “Mehh, sajan puk. Ajako alih jani” (badung)
Sangkur lan Soplogan : “Mai nak eo!!!” (logat tabanan dan badung)
Luh Koncreng : “Wee, murid baru , khe itu lo, jek cara bladbadane meceleng lua.” (Denpasar)
Luh Sangkur : “Apo to meceleng luo?” (logat badung)
Luh Koncreng : “Meceleng lua to bengkung artine. Khe itu lho tunden nyampat doen jek ngegosip yo dini.” (denpasar)
Soplogan : “Weee, do je keto san. Dadi senior sing san nawang mobubuh kladi” (tabanan)
Luh Sangkur : “Hee, jek bladbadan dogen pesuango. Apo kone arten no mobubuh kladi to? Yang sing nawang puk” (badung)
Soplogan : “Kene gen sing tawango, mobubuh kladi to kulek, arten no elek. Sing nawang elek ng-opak adik kelas dini?” (tabanan)
Luh Sangkur : “We murid-murid baru, nutur gen tawango. Nah cobak jani sambatang adan-adan senior (o) dini!” (badung)
Adik Kelas jak 3 : “Ne madan mbk koncreng, ne madan mbk soplogan, ane paling tajog madan mbk sangkur”
Luh Nyobleng : ”Hahahaha…. Eda mbok tajog, pasti sai mecil siap” (nusa penida)
Luh Sangkur : “Jek campah keto ajak senior, maroo masuk dini awai”
Sedeng murid baru jak senior ne miyegan. Saget teke senior ne merupa bagus sekadi arjuna madan Bli Dilan.
Bli Dilan : ”Ne ngujang dini uyut-uyut?” (bali anyar)
Luh Koncreng : “Ne bli ade adik kelas wanen bani ngewalek Luh Sangkur. Masak luh sangkur orahango sai mecil siap?” (denpasar)
Bli Dilan : “Jek ade-ade doen orahange jak adi-adine. Lan sambatang adane besik-besik!”
Tut Nyamprut : “Om Swastyastu, wastan titiang Luh Nyamprut. Saking Karangasem, yusa titiang 17 tiban. Deriki tiang polih kelompok kalih” (karangasem)
Luh Keto : “tiang Luh Putu Putri Cening Ayu Sangkaning Keto. Dados kapanggil Luh Keto” (klungkung)
Man Nyobleng :” Weee, suud nake keto lepeh kole ngantiang. Salam kenal bli kole madan Nyoman Nyobleng” (nusa penida)
Koncreng : “Aruhh suud-suud masalaman ajak Bli Dilan, yang nak be madamar di carik ajak Bli Dilan nawang”
Tut Nyamprut :”Napi nika medamar di carik mbok?”
Koncreng : “Medamar di carik to kan kunang-kunang arti sujatine matunangan, mai beli ajaka ke kantin malu..”(lantas bli dilan jak koncreng magedi)
Galahe mejalan enggal, sane mangkin matan ai sampun engseb, nyiratang gumine sampun wengi. Sedek murid barune mejalan mulih, lantas di tengahing marga Luh Keto lan Tut Nyamprut nuturang seniorne.
Luh Keto :”Weee, tolih je tuni senior ane madan Luh Koncreng mare ngelah tunangan bagus jek care mataluh nyuh, jek sombong gati.” (klungkung)
Tut Nyamprut :”Patut nika, kadi wewangsalane clebingkah beten biu gumi linggah ajak liu “ (halus karangasem)
Luh Keto :” Saje to belahan pane belahan paso, to ngeranayang ade kene ade keto” (klungkung)
Ritatkala nuturang seniorne tepukina timpalne Luh Nyobleng setata mendep, uling tunian sing pesu munyine. Biasane ye ane paling uyut sekadi becica ujanan nguucakcak ngomong doen sing ade tutuk bongkol nyane. Takonina lantas teken timpalne.
Luh Keto :”Weee, luh nyobleng kenape adi medamar bangke? (sambil menepuk nyobleng yang sedang bengong)” (logat klungkung)
Luh Nyobleng :”(mekesyab) cen ade bangke?” (nusa penida)
Luh Keto lan ketut nyamprut ; (tertawa)
Tut Nyamprut :”Sire sane ngorahang bangke, ragane busan anak ngorahang madamar bangke. Arti sujatine nika mepangenan.” (karangasem)
Luh Keto :”Keto sube uling tuni bengong dogen, ber jeg sing dingehange munyine, ape kone kenehange?” (klungkung)
Luh Nyobleng :”Nak kene timpal-timpal, tunyan kan kole nepuk in Bli Dilan. Duhh, jek bagus sajan, dad dig dug serrrr….. bayun kole nepukin.” (nuspen)
Tut Nyamprut :”Nah ull engken tooo” (karangasem)
Luh Keto :”Beh jek mewayang gadang be ne Luh Nyobleng” (klungkung)
Tut Nyamput dan luh keto :”aiiit aittt”
Tut Nyamprut :”Sampunang je sekadi be nantangin talenan napi, irage anak dadi adik kelas nenten dados nantangin senior nggih” (karangasem)
Luh Nyobleng :”Tusing keto, nak kole demen ningalin dogen” (nusa penida)
Lantas iya lanjut mejalan. Di tengahing margine, tepukine bli dilan sareng luh koncreng sedeng nyalanin tresna utawi ngeroman.
Bli Dilan: ”Luh...luh mai je malu, jegeg san adi iluh, sekadi bangsing di banjar, bedeg majemuh di baleran artine langsing buin lanjar, jegeg buin lemuh magoleran.
Luh Koncreng: “Ah Bli Dilan, khe itu lho, ade-ade doen, munyinne alus buka gamongan kladi jahe.“ (omongan dadi gae)
Ritatkala bli dilan lan koncreng matunangan, lantas sebet bayune nyobleng lan lakar gugule.
Tut Nyamprut: “Eh timpal-timpal cingakin je genahe nike, wenten Bli Dilan jak Mbok Koncreng sedeng matunangan.” (Karangasem)
Luh Keto: “Ngae ngae doen. Ape Kaden orahange, culala culele matunangan.” (Klk)
Man Nyobleng: “Isshhh sakit hatin kole nepuk iye jak dua. Jek mai gugul.” (Nuspen)
Luh Koncreng: “Apo ne ngujang nolih-nolih. Khe lakar nikung aku?” (Denpsr)
Luh Keto: “Ih sing mbok, kole nak lakar lewat gen. Ber jek sante nake. Mai timpal-timpal ajake mulih.”
Ritatkala wengi ring rahina kajang kliwon, Luh Soplogan teka ka tengahing alas ring gumi buleleng ngalih balian sonteng madan jero bekung. Ring umahne jero bekung wenten parekan uling gianyar madan kt garing.
Soplogan : “(tok..tok..tokk )jero..jero..jero balian dong bukakang jo jelanane” (tok…tok..tok)
Jero bekung : “We nyai ketut garing, to di sisi ade tamiu dong bukakang jelanane” (buleleng)
Kt garing :”ne be dadong-dadong menceng, adengan nake, wak nu ngumbah CD, nah nah jani bukakange jelanane’ (krieeettt gdebleg)
Soplogan : “jero.. jero balian bekung om swastyatu, tiang luh soplogan, tulungin jo tiang, tiang rumaso mowayang gadang sareng anak muani puk, wastane Bli Dilan, niki foto nyane” (tabanan)
Jero bekung :”wehh cening-cening luh soplogan, ngujang dini cening ngalih wayang rejune, tiang ne balian sonteng Buleleng ane paling sakti, dije ade ngubuh wayang rejune dini, soleh-soleh gen cening” (buleleng)
Kt garing : “mimih ratu betare widi, kene san ngelah dadong, bongol gati dadong reyode ene, tilunin alu kupinge, luh soplogan nak ngorahang mewayang gadang artine tresna teken anak muani bagus.” (gianyar)
Jero bekung :”Oh keto ning, yen keto keneh ceninge, nah jani dina kajang kliwon, gaenange nyen cetik apang anak muanine ento tresna teken cening. Nah jani nyai ketut garing, jemakang awake pasepan jangin kayu menyan majegau” (buleleng)
Kt garing :”nah jero bekung, neh asep menyan majegaune, ne pede buku pangleakanne” (gianyar)
Jero bekung :”(nyemak pasepan lan ngucapang mantra)”
Kt garing : “nyekjeg padang pesu lindung, betek basang pesu kidung”
Soplogan :”suksma ping banget jero bekung lan parekannyane mbok kt garing, niki wenten jinah akidik, kanggeang nggih, dados tiang nunas nomer hpne nyanan yen wenten napi-napi dados lewat telp manten” (tabanan)
Kt gaing : “nah nah catet nah, 081999705426 (logat gianyar)
Soplogan :”nggih suksma tiang mepamit mangkin” (tabanan)
Rikala bli dilan lan luh koncreng matunangan, cetik sane kakirim olih jero bekung sampun prasida ngenenin bli dilan
Bli Dilan: “Aduh adi sakit sirahe prejani.”
Luh Koncreng: “Bli subo ngopi? Ngopi nyen malu ngopi. Adi bisa sakit sirah?” (denpasar)
Bli Dilan: “Nah nah lamun keto bli lakar mulih malu, Koncreng mulih padidian nah.”
Benjang semengne Bli Dilan langsung macunduk ajak Luh Koncreng, nanging Bli Dilan ngenah mesebeng.
Bli Dilan: luh, beli ker ade orahang dik
Luh Koncreng : nah orahang doen beli, de lek-lek keto (denpasar)
Bli Dilan : Sujatine beli sube med nyalanang tresne teken iluh
Luh Koncreng : mih adi keto bli? Tyg tresna teken beli. Adi kene penampin beli teken tyg? Yang sg nyak pegat teken beli !!!! (denpasar)
Bli Dilan : mih iluh jek care becice ujanan, munyi doen gelahange, buli tusing nyak buin ajak iluh. Iluh mesuluh malu, apang sing care wewangsalane, tai belek tai blenget, mare jelek mare inget
Luh Koncreng : yehh beli adi keto ngomong? Khe itulo nggak pernah nggak khe hargain aku!!!! (denpasar) (sambal menangis dan memegang tangan bli dilan)
Bli Dilan : nak mule saje beli sube med jak iluh, jani bli lakar megedi luh. Suud ngalih-ngalih beli
(bli dilan megedi ngalahin luh koncreng, yadisatun luh koncreng kari ngeling tur ngisiang limane bli dilan)
Lantas luh koncreng tuludange ajak bli dilan, bli dilan megedi lan luh koncreng ngeling sambilange negak di tanahe care buka lindung uyahin, saget teka timpalne luh nyobleng.
Luh Sangkur : “Ihhh luh nyobleng ngujang dini yo metegtog di tanaheo” (badung)
Koncreng : “Bli dilan nyuudang aku nawang…mihh engkenang ne” (denpasar)
Luh Sangkur : “Mihh sajo to? Ne pasti gaene nyobleng oo (sambil bertanya ke soplogan)?” (badung)
Soplogan : “Ooo sajoo to, iyo nak sesai nyen nolih-nolik tunangan awak eoo” (tabanan)
Luh Koncreng : sajo to, ne pasti gaeneo Man Nyobleng, jeg alih nasne jani”
Luh Koncreng ngenggalang ngalih Man Nyobleng.
luh koncreng : eh bleng! tawang rage nah ! kujang khe bli dilan cange? ngujang bli dilan adi megedi? pasti nyai ane ngranaang bli dilan nyuudin cang!
nyobleng : eh eh nden malu , knape ne ? adi kole pelihang mbok?kole sing nawang ape. yen kene undukne mbok sing dadi mebawang putih utawi misunayang kole.
luh koncreng : icang nak tusing mapisuna, kuale nak saje sube pasti nyai ane ngerebut bli dilan uli cang ! nyai sai san nolih2 bli dilan. (luh koncreng nyambak bokne nyobleng)
galahe ento, lantas tingaline bli dilan sedeng makunyit di alas utawi matemu sareng soplogan sambilange negak dimotorne ngeroman ajaka dadua.
nyobleng : eh to mbok tolih je ditu ade bli dilan jak mbok soplogan ditu di bucu
koncreng : cen cen ije ?
lantas alihe dilan ngajak koncreng
koncreng : oh kene ae bli dilan di duri yange ? ade mas slakane tanpa guna, mare ade ane baru, ane lama kalahine, ne jani beli memitre ajak nak luh len rela megatang tresna ajak iluh.
bli dilan : ampurayang beli luh, sekadi mabungan sandat mayang, ne jani beli sampun kadong sayang ngajak soplogan, beli tusing nyidayang maksa ape ane ade di hatin beli.
koncreng : nyai soplogan buka liep-liep lelipi gadang, kaden wake nyai timpal sujati, eh tusing tawang di durine tega nikung wake, omongan nyaine manis kewala keto sube buka sesongane manise ngranayang manesin.
soplogan :”yadiastun rage nawang teken dewek pelih, memitra ajak tunangan timpal nanging skadi paribasa yen kutang sayang yen gemel madui, yening tiang ngalahin bli dilan tiang ten nyidaang sawireh tiang sampun kadung tresna sareng bli dilan, yen terus pertahanin utawi gemel tiang tresna niki, tiang mase rumase sakit. Ampurayang tiang luh koncreng”
Puput
Ada tuturan satua, wenten keluarga sane bagia, kepah dados bapa, meme lan pianak papat. I Bapa madan Ketut Nyaplir, I Meme madan Nengah Beneng, sai sai kapanggil ngahben. Krana sing ada calon kelian di desa Demen Maju, tut Nyaplir ane sesai memunyi nyaplir dadosange kelian Banjar. Agetne iya ngelah kurenan tegteg ane sing nyaplir.
Di raina redite ne, tut nyaplir santai-santai negak di muka umahne.
Tut nyaplir : Ngahben, ngahben, ije ye kurenane ne. Gaenang sik beli kopi
Lantas ngahben mesaut uli paon
Ngahben : kopi ape ketagih ne bli ? Tut Nyaplir : kopi ape dik nah. Kopi pait gen be, apang sepait idup beline
Ngahben : ah I bli, mule megambar gumi
Tut Nyaplir : ape ? suni ? suni ane mare pindah umah to ? Oh, ditu ye dajane, ngudiang dini ngelurin I suni.
Ngahben (memunyi ngerenggeng alias ngomong sendiri) : amat bongole ngelah kurenan, uli gumi bise dadi suni. Suud be madanin tut nyaplir, tut curek jani kal adanin.
Tut Nyaplir : Curek luh ? Bli curek ?
Ngahben : Ah sing, bli pelih ningeh to, maksud tiange bli bagus
Tut Nyaplir : Ah iluh ne, bise gen (sambilange kenyem kenyem jele)
Don sente don plendo, ade kene ade keto, keto sube situasi diumahne tut nyaplir, kelian banjare ane nyaplir lan peningehane sanglir. Nah jani, tiang jagi nyeritayang indik kene di umahne Pan Brayen (len ane ne agak englishan adane). Pan brayen ceritane mare pindah uli L.A (audience : L.A ? ije to gumine ? Los Angeles ape Lila Arsana ?). I Pan brayen ngelah kurenan, kurenane asli bali, bali tulen madan men sari. Nanging men sari ne mule bulenan. Maksud yange, bulenan gayane. Pan Brayen ajak Men Sari ngelah pianak dua, pang aluh ye ngadanin ane nomer satu adanina suniwan, ane nomer dua adanina sunitwo. One and Two pang ade lah English englishne care adan bapane. Patuh,di raina reditene pan brayen sedeng ngorta ajak men sari di muka umahne.
Men Sari : Daddy, daddy rage kan mare pindah uli L.A, sing luung makunyit di alas ajak pisagane je nah ?
Pan Brayen : Mami, bahasa bali daddy ne nak matanah pasih, tapi daddy nu ngerti ane mami orahang to. Kal matemu ngajak nyen ne ?
Men Sari : Kene daddy sayang, rage ne mare pindah, luungne rage simpang ke umah kelian Banjar desane, takonin awig-awig desane, pang nawang ape ape gen ne di desane aturane.
Pan Brayen : Oh keto mam ? Suniwan jak Sunitwo kal ajak ape sing ne ?
Men Sari : Yeh saja, pas je mami dingeh kelian banjare ngelah panak pat, aget ye ngidang makenalan ajak panak rage.
Pan Brayen : Oh dadi masih, dadi. Nah len keto undukne, gelurin nake panak panake
Men Sari : Suniwan, Sunitwo kam hierrr……..
men sari ngaukin pianakne aji bahasa inggris, ne be ane oraang rage bulenan gayane……….
Suniwan : ngudiang sih I meme gelur-gelur, kadene bongol ape kupinge, eh sunitwo gelurine ajak meme
Sunitwo : Aduh wi, yang nak ningeh patuh masih. Wi masih patuh gelar gelur samping yange ne, sakit kupinge.
Lantas, sunitwo ajake suniwan nyagjagin memene ane gelar gelur tuni
Suniwan & Sunitwo : ape sih me, gelar gelur, munyin meme ne nak sube cara corong
Men Sari : Duh kene, masak anak blasteran ngelurin meme. Ngelek ngelekang ati gen, mami. Call mami de meme. Len spellingne MAMI ajak MEME
Suniwan & Sunitwo : Nah-nah, mami
Men Sari : Kene wan, tu jani mami and daddy nak lakar simpang keumah kelian banjare, suniwan jak sunitwo milu bareng nah, makenalan ngajak panak kelian banjare, apang ngelah timpal di desa ne dini.
Suniwan : Duh, mam yang sing nyak milu. Pianakne pak kelian mataluh nyuh.
Pan Brayen : Nah, len mataluh nyuh to ape ? Daddy sing je apal mekejang peribasa bali.
Sunitwo : Aduh mataluh nyuh to sujatine tombong daddy, len tetuwekne SOMBONG (memunyi kearep muka daddyne )
Pan Brayen : hah ? daddy sombong ? apane sombong ?
Sunitwo : Aduh, daddy dong daddy ne sombong, maksudne wi ane sombong to panak kelian banjare. Bolot banget sih daddy.
Pan Brayen : Oh keto, yeh sing dadi ngoraang sombong dimalu, konden mekenalan be saget oraang sombong. Ngalih musuh to adane wan. Nah-nah pang encol be. Yuk cus nah jani mejalan.
Gelisang satua, jani keluargane Pan Brayen suba teked di umahne Tut Nyaplir. Pas I Tut Nyaplir sedeng maca koran diruang tamiu, iya nengeh ade anak gelur-gelur di muka umahne. Dodolne, tut nyaplir ye negak di ruang tamiu ane paek pintu, ye buin mapindo gae ngelurin i nengah beneng apang mukain pintu.
Tut Nyaplir : Luh, ngahben, bukain alu tamiune pintu
Ngahben : Duh bli, to bli paekan ajak pintune, masa tiang ne kari sibuk di paon biin nyagjagin kemu, kok bli stupid keto sih
Tut Nyaplir : Aduh, sedeng majuan pancing ne beli. Bukain gen lah luh
Ngahben : Aruh, sajaan mule ngelah kurenan peta peta dogen. Nah nah, jani tiang mukain pintu
Ngahben lantas nyagjag mukain tamiune pintu
Ngahben : Om Swastyastu, wenten napi nggih ? Pan Brayen : Om Swastyastu, niki tiang anak ngalih bapak kelian, wenten bapak nika ? Tiang niki sareng keluarga mare pindah uli L.A
Ngahben : Oh bapak wenten, antos dumun nggih, niki gelurin tiang dumun malu
Pan Brayen : eh mam, kurenan keliane bedeg majemuh mam (sambilange kenyam kenyum) Men Sari : ape ? bu kelian jegeg buin lemuh ? oh daddy ngoraang ye lebih jegeg ? (men sari cemburu)
Pan Brayen : Ah sing lah mam, biar bu kelian bedeg majemuh, mami tetep bedeg di hati
Men Sari : Ah daddy (men sari kenyem kenyem)
Sunitwo : Duh stop stop, di pisaga ne we
Lantas jani tut nyaplir teka nyagjagin tamiune ajak ngahben
Tut Nyaplir : Bapak niki ane mare pindah uli L.A nika kan ? Kenalin, tiang tut nyaplir, kelian Banjar driki ring Desa Demen Maju
Pan Brayen : Nggih pak kelian, niki tiang jagi simpang mriki mesilaturahmi. Tiang ngajak kurenan, sareng panak-panak tiange.
Men Sari : Nggih, kenalin tiang men sari. Wifey ne pan brayen, mamine suniwan sunitwo.
Tut Nyaplir : Niki ane bule pan brayen napi men sari ?
Pan Brayen : Oh, ane bule L.A niki tiang. Kurenan tiange niki ane bulenan gayane. Kurenan tiange niki nak original bali tok
Tut Nyaplir : Oh kenten, kenten
Pan Brayen : Nggih, niki btw tiang ten dipersilahkan duduk nggih ?
Tut Nyaplir : Yeh saja, niki tiang engsap, nggih nggih duduk duduk dumun. Ngahben, gaenang sep tamiune minum
Ngahben : Oh, nggih bli.
Lantas Tut Nyaplir negak bareng tamiune, ditu iya nutur ajake pan brayen.
Tut Nyaplir : Niki pan brayen ngelah panak-panake nggih ? Pan Brayen : Nggih, niki madan suniwan krana iya ane number wan, niki madan sunitwo krana iya ane number two.
Tut Nyaplir : Oh, kreatif kreatif niki. Tiang masih ngelah pianak. KB Bali, pat pat. Cerik-cerik mai pesu malu.
Luh Jongjet : Ape sih I bapa gelar gelur, we ran, nyuk, nyik, gelurina to ajak bapa.
I Aran, kunyuk, lan kunyik lantas pesu nyagjag sareng mbokne, jongjet.
Tut Nyaplir : Niki Luh Jongjet, ane nomer satu. Ane nomer satu madan De Aran. Ane nomer telu madan Man Kunyuk, ne ane paling cenik madan Tut Kunyik.
Pan Brayen : Niki mule bebalian adan-adane. Nah, len keto gek gus, niki tiang pan brayen sareng keluarga mare pindah uli L.A
Luh Jongjet : Hah ? Pa, ape to madan L.A ?
Tut Nyaplir : To lo gumi ape ye nah. Gumi Amrik.
Tut Kunyik : Gumi amerika pa, sing je amrik.
Man Kunyuk : Bapa de milu milu English-englishan keto nah, melahang milu selem dadine
Luh Jongjet : Oh kaden yang Lila Arsana ane di sengguan to.
Pan Brayen : Pih pak kelian, ane nomer satu ngencot gede, baisne meling padi. Ne nomer 2 ngencot cara katik. Ne ane nomer telu jak papat jeg maan cenik kene di.
De Aran : Niki tiang ajak kunyuk kunyik mule cenik pak, cara sesonggane cenik-cenikan punyan sotong ngalesne pasti
Man kunyuk : sane meteges pangenahne berag sakewala kuat
Tut Nyaplir : Yeh, niki sebenarne tiang jak kurenane nak dua gen meled ngelah panak. Enken kaden undukne, maan kembar cenik kene.
Pan Brayen : Oh keto, jani mekenalan be malu niki ajak panak-panak daddy. Mam, dadi be nutur ajak bu kelian. Bu, niki kurenan tiang anak manager kwflame, produk swedia. Mami ngabe katalog sing ? Len ngaba edengang nake bu kelian, aget bu kelian nyak dadi member mamine.
Men Sari : Yeh saje dad, niki bu kelian tiang ngaba katalog kwflame, ade enci, ade alis-alis, niki jeg top pisan len anggon bu kelian arisan, odalan.
Ngahben : (dengan tatapan tergoda) : Mih saje, napi gen niki produk ane len bu ? Men Sari : Oh niki …………………………………………………………. (dayu improv)
.
.
.
.
(Lantas, pianakne tut nyaplir lan pan brayen negak bareng-bareng)
Tut Kunyik : Eh suniwan, jak sunitwo sujatine tiang penasaran san niki
Suniwan : ape kal penasaranin ?
Tut Kunyik : ade nasi sing di L.A ?
Sunitwo : aduh, petakone (sambilanga kedek), singlah, ade ne roti
Man Kunyuk : Oh ane model burger to ae ? (gianyar)
Suniwan : Hah ? burger ? ape to
Man Kunyuk : kone di L.A adene roti, jani takonin ne model roti cara burger sing tawange. Yeh
De Aran : Eh, mececimpedan yuk, daripada nutur ne tidong-tidong cara kene, nasi kone tuturang
Sunitwo : Yeh saje, nah nah pertanyaan siki tiang be malu. Nah, apake ane lamun tolih ngejohin ?
Luh Jongjet : Mantan, yen tolih masan ngejohang ye
Tut Kunyik : mbok, mbok mule ye ne
Sunitwo : JAKA SEMBUNG DI RUMAH JOGLO, SING NYAMBUNG LAH MBLO, yuk nyen ane tawang jawabanne ?
Man Kunyuk : Kuping ?
Sunitwo : betul,betul,betul
Yang lain kasi aplaus ke man kunyuk
Suniwan : Nah jani ane kedua, yang ne maang pertanyaan. Dingeh nah question ne, apake anak cerik mabatis papat, sing mebangkiang, sing maikut, sing mabaong, pejalan ne ancog-ancog ?
De Aran : yeh, len ancog-ancog berarti pocong
Tut Kunyik : We bli, ingetang nake clue ne. mabatis papat, ije ade pocong mabatis papat
Sunitwo : Hmm, ape ye nah kira-kira ?
Luh Jongjet : Yang gen ne bali lontok kene sing nawang, apalagi sunitwo ane mare uli L.A
Tun Kunyik : Katak ?
Suniwan : singlah
Man Kunyuk : Dongkang ?
Suniwan : ajaan mule nak kembar, nyamane pelih, ye milu pelih
Luh Jongjet lan Sunitwo : men ape sih jawabanne, be mebais papat, ancog-ancog buin
Suniwan : Jawabane nawang ape ? Godogan hahahahahaha (sambilanga kedek)
Jak mekejang kecuali suniwan : huuuuuuu (nyuryakin suniwan)
De Aran : ape men bedane godogan ajak katak, soleh san
Man Kunyuk : Nah, sekeang be suniwan, uli tunian ajak nutur, ajak meplalian sing taen nyambung
Tut Kunyik : Ajaan jelema es tabia
Gara-gara orange es tabia, suniwan lantas ngambul lan ngeling di pojokan. Lantas I meme-meme ane ladne nuturang kwflame nyagjagin suniwan ane ngeling dipojokan
Men Sari : yeh, kenape ne pianak mami ngeling majempong bebek ? Suniwan : To, yang orange es tabia ajak kunyuk kunyik, kan yang be ngorang ye to sombong
Ngahben : (ngahben lantas ngelurin man kunyuk lan tut kunyik), yeh man tut, mai sep malu. Sing dadi cara keto ning ajak timpal. Clebingkah batan biu, gumi linggah ajak liu. Sareng-sareng ajak timpale ning.
Suud to man kunyuk lan tut kunyik ngidih pelih ajak suniwan.
Man Kunyuk & Tut Kunyik : Nah, yang jak due ngidih pelih be. I am sorry nah wan
Suniwan : Nah be, maapang yang (sambil bersalaman giliran)
Sunitwo : Nah yen sube maap-maapan jani meh lanjutang malu cecimpedane, yang ngelah ne biin pertanyaan. Ape tingalin paek mare alih kenyataane joh ?
Man Kunyuk : Kenangan masa lalu ?
Tut Kunyik : Pih care ngelah kenangan doen man
De Aran : Jawabanne……………
Aine ngemasin ngeseng kauh, pan brayen lantas ngelurin pianak-pianakne ngajak mulih.
Pan Brayen : Mam, suniwan, sunitwo, nah jani rage mulih be malu, ube imang peteng gumine
Men Sari : Oke daddy (nyautin pan brayen), nah bu kelian niki tiang kal pamit malu, nyanan yening pesenan encine sube teka, tiang calling calling bu kelian nggih
Ngah beneng : oh nggih bu, suksma nggih
Lantas pan brayen ajak keluarga mulih
Kacerita ring desa Jumpai wenten umah kost sane mewasta LOMPANG KOST. Sane madue umah kos inggih punika Dayu Biang. Ida madue oka mapesengan Dayu Moleh. Kacerita Dayu Moleh wau budal saking sekolah.
Dayu Moleh : Om Swastiastu, Ibu
Dayu Biang : Swastiastu. Mihh Okan tiang wau rauh. Dados Ibu nunas tulung ?
Dayu Moleh : Imiihh Ibu. Wau san tiang rauh. Tiang durung ngajeng, durung merem.
Dayu Biang : Aduh Dayu okan ibu. Bedeg majemuh bangsing di banjar, jegeg buin lemuh langsing lanjar. Tulungin je Ibu, malih jebos icenina jinah.
Dayu Moleh : Beh Ibu, ten uli tunian kenten. Nunas tulung napi bu?
Dayu Biang : Tagihan ia yan bacol jinah kos .
Dayu Moleh : oh nggih bu.
Yan Bacol inggih punika anak lanang sane ngekos ring Lompang Kos. Bawak satua Dayu Moleh sampun neked ring arep kamar Yan Bacol.
Dayu Moleh : Swastiastu Bli Bacol.
Bacol : Punapi Dayu ?
Dayu Moleh : Pis Kos ( Sambilanga nadahang lima )
Bacol : Mangkin dumun. Benjang taure je.
Dayu Moleh : Benjang benjang. Bungute benjang.
Bacol : Tiang duruh narik jinah.
Moleh : Narik jinah. Ngelah ke ATM ?
Bacol : Punang campah tiang madue ATM mejalan. Nggih pokokne benjang.
Moleh : Awas nah mani sing ada pis.
Keesokan harinya, tunangan yan bacol sane mewasta Luh Mongkeg teka ka kosne Yan Bacol. Sambilanga ngabe gagapan.
Bacol : Aduh tunangan tiang jegeg pesan.
Mongkeg : Beh Bli nawang doen. Tiang kan mule jegeg (sambil ngempasang bok). Engken bli ngaukin tiang meriki ?
Bacol : Tunangan tiang Luh Mongkeg, alis nyurarit sekadi don intaran, muane kadi bulan purnama, bangkiangne acekel gonda layu, dadi bli ngidih pis ?
Mongkeg : Bli bisa doen. Kuda nagih pis?
Bacol : Ah bedik doen luh. Cuman setengah juta gen luh.
Monkeg : Adi misi setengah – setengah . Ne baanga je satu juta. Satu miliar bli nagih tanah di bukit kal adep tiang.
Bacol : Makasi luh. Iluh mula idaman
Mongkeg : Nah yen keto, tiang lakar ke salon malu bli. ( majalan mulih)
Bacol : Eih penonton, ne mare madan madamar di carik. Nwang sing artine ? Medamar di carik artine kunang – kunang , suksman ipun tunangan.Tunangan sane dadi idihin pis.
Kacrita Luh Mongkeg suba neked di salon. Ditu ia matemu ajak timpal – timpalne (gek koncreng lan Luh Sableng ).
Koncreng :Pih I mongkeg jek mekelo sajan teka.
Sableng: Kanti lumatan iraga ajak dua ngantiang,
Mongkeg : Mimih ampura timpal timpal, Itunyan nu meet up ngajak tunanagan tiang bagus genjing
Koncreng : Seken ke bagus ? Kenalang nake pang tawang kebagusanne
Mongkeg : Seken,sube bagus misi sayang pesan ajak tiang.
Sableng : ngalap wani ngaba kemong dara lanang sube mati, anak jani liunan omong mare sekenang tanpa bukti.
Mongkeg : Ah tunangan tiang sing je keto. Nah mani – manian kenalanga men. Awas demen nah
Sableng : Nah suud to urusange. Mai nyalon malu.
Koncreng : Bayahina kan jak I Mongkeg ?
Mongkeg : Pih tenang doen.
Kacerita yan Bacol suba neked di griya Dayu Biang. Ditu tepuka Dayu Biang nyampat di merajan lan Dayu Moleh maplayanan HP.
Bacol : Om Swastiastu, Dayu Biang
Dayu Biang : Om Swastiastu, engken yan ?
Bacol : Niki jagi naur kos
Moleh : Yeh Bli Bacol be teka ATM mejalanne ?
Bacol ; Sssttttttt
Dayu Biang ; Apa ATM mejalan ?
Bacol : Ten napi dayu biang.
Moleh : Pasti tunanganne tagihina pis bu
Dayu Biang : Ihhh ten dados kenten
Bacol : Niki jinahne dayu biang. Tiang pamit dumun.
Kacerita dina ne jani, Luh Mongkeg lan timpal-timpal SMA ne ngadaang reuni di restoran Padaliang. Ditu ia lan timpal-timpalne nutur sambil makedekan.
Moglong : Gek, adi mekelo sajan I Mongkeg, I Sableng, ngajak I Koncreng teke?
Gek Ria : Tuni I Sableng nelfon ngoraang nu di salon ngajak I Mongkeg lan I Koncreng.
Moglong : Peh misi ke salon, pis-pis gen gelahange jak telu to.
Gek Ria : Nak I Mongkeg ane bos ne ditu.
Tusing mekelo, I Mongkeg, Sableng, lan I Koncreng teka ngalih Moglong lan Gek Ria.
Mongkeg : Eh timpal-timpal sube mekelo ngantiang ?
Gek Ria : Sajaan, mekelo sajan ngantiang dedari-dedarine nyalon.
Sableng : Hehe ampura timpal-timpal. Sube mesen makan ne?
Moglong : Konden, ne sube seduk sajan.
Koncreng : Lan jani mesen malu. Mumpung tiang kenal ajak ane ngelahang restorane.
Kong, Kong Lee Bee….
Sableng : Haaa ? Kong Lee Bee?
Koncreng : Ae, Kong Lee Beean Pis hahaha.
Kong : Ye hade Koncreng ajak timpal-timpal. Engken creng?
Koncreng : Kong, ape gen menu makanan dini ?
Kong : Capcay ade, Fuyung Hay ade, Siomay ade, Siobak ade, megenep ade dini Creng.
Gek Ria : Capcay 5, Siomay 5, Fuyung hay 5, pokokne ne ay ay, ajak ais teh 5. Ape biin timpal-timpal ?
Moglong : Nah monto gen cukup.
Kong : Mimih awakne cenik-cenik makanane sing dadi bedik. Oke antiang malu dini. (lantas magedi ke dapur restoran)
Sableng : eh timpal-timpal, tunangane I mongkeg ane jani nak bagus sajan kone, timpal-timpal sube nawang ?
Gek Ria : Ah masak? Ipidan doen tunangane Mongkeg jenengne bocok
Mongkeg : Ih sing gugune munyin tiange, yen timpal-timpal nolih bise klepek-klepek care be kaper.
Ditu I Mongkeg ngajak timpal-timpalne asik nuturang tunangan. Nanging solehne, I Moglong tusing ngomong ape. Disuudne reunian, ia ajak mekejang mulih ke umah raga-raga.
Bawak satua, disubane Luh Mongkeg lan timpal- timpalne mulih lantas teka yan bacol ke restaurant Pada Lee Ang.
Bacol : sasup kong, kopi sik.
Kong : Yeh bacol, Kopi ape?
Bacol : Ko pilih dia bukan aku
Kong : Ada Ada gen I Bacol
Tusing makelo, teka kong ngaba kopi lantas ia jake dadua negak sambilanga nutur.
Kong : Ada tumben teke col?
Bacol : Ae mara suud gajihan kong
Kong : Pih gajian, magae apa jani ?
Bacol : Sing perlu megae negak doen maan pis
Kong : Adi keto ?
Bacol : Sedeng luunge cang ngelah tunangan sugih
Kong : Ken tolih ke fotone
Bacol : Ne kong. (sambilanga ngedengang)
Kong : O ane ne. Ituni mai jak timpal – timpalne.
Bacol : Tapi to ne no 1 ane agak jelekan bedik, ne no 2 len biin. (ngedengang foto)
Kong : Oh ane ne. Rempeyek kacang ijo, wiadin jelek mase kanggo.
Bacol : Sttttt…
Kong : Oh oke oke, ingetang doen tusing ngidaang nekepin andus. Nah telahang malu kopine, kar ke belakang malu.
Disubane I Bacol ngopi lantas ia mulih ke kos Lompang. Buin manine I bacol nelpon Luh Moglong lakar ngajak matemu.
Bacol : Hallo.. Luh … Luh Moglong..
Moglong : Eh Bli Bacol, engken Bli ?
Bacol : Aduh Luh Bli suba kangen pesan ajak iluh. Ketemuan nyak luh ..?
Moglong : Aaa Bli. Tiang mase kangen ajak bli Bacol. dije kar ketemu bli?
Bacol : Di kost beline nyak luh ? Di kost Lompang jeg pasti suba tongosne nyaman
Moglong : Ayook nae bli. Jani tiang kar siap – siap
Bacol : Enggalin dik luh, bli suba sing sabar
Moglong : Nah nah bli sayang ….
Tusing makelo, I moglong suba neked di kosne Bacol. Lantas I Bacol ngenggalang nyagjagin Luh Moglong.
Bacol : Yeh I luh Moglong tunangan bli suba neked mai mecelep malu.
Moglong : AAHH bli Bacol bisa doen ( lantas macelep)
Bacol : I Luh nyansan nyegang doen, ngae beli nyansan tresna ajak iluh ( nyubit pipi )
Moglong : Aa beli mase nyansan magusang doen, bagus beline sekadi arjuna
Bacol : duhh,, Iluh..
Moglong : Beli.. Tiang kar curhat.
Bacol : curhat apa luh, jeg oraang gen ajak bli.
Moglong : Tiang takut Mongkegnawang tiang matunangan ajak bli.
Bacol : Iluh tenang doen, ajak bli pasti rahasia aman kok.
Moglong : Nah Bli, Iluh percaya doen ajak bli.
Bacol : Pokokne cinta kita slalu abadi luh.
Kanti sanjane I moglong nutur ajake I Bacol di kosne Bacol. Tusing medaya I mongkeg ajaka Gek Ria teka ka kosne I Bacol Lakar nyemak barang.
Mongkeg : Bli.. Bli Bacol
Kesiap I Bacol ningeh munyine I mongkeg. Sepanan mengkeb, I Bacol ajak I Moglong suba ketara.
Mongkeg : Haah Bli ??? Bli ngujang ajak I moglong dini?
Bacol : Bli bisa nyelasang luh
Mongkeg : Eh cai Moglong, bisa bisane cai keto ajak timpal.
Moglong : Mongkeg tiang ngidih pelih ajah mongkeg. Diolas de gedeg ajak tiang.
Mongkeg : Cang sing bisa percaya jani ajak cai moglong. Cai mula pelakor.
Bu Kos : Naka da apane ? Adi uyut sajaan dini?
Bacol : Ten kenapi buk dayu, niki wente arisan.
Mongkoeg : Arisan apa?? Cai muani sing dadi gugu, tukang selingkuh
Gek Ria : Suud, suud keg. Tenang malu
Ibuk Kos : Oh keto masalahne. Pragatang nake baik – baik De uyut uyut sig meragatang apa
Moglong : Mongkeg, tiang ngidih pelihajak mongkeg, de ulianne iraga mamusuh. Buk Kos, tiang nunas ampura sampun mengganggu ketenangan ring kos deriki.
Mongkeg ; Ah sing ada maaf – maafan Bacol, jani cang suusd metunangan jak cai.
Bacol : Ehh luh luh ( ngisisang limane mongkeg)
Gek Ria : Tiang nak tusing nyangka masih jak Moglongcare kene. Nak sing dadi keto ajak timpal, pang sing ulian kene iraga suud matimpal.
Moglong : Tiang nyesel gek tiang lek ajak Mongkeg
Gek Ria : Nah ento suba terlanjur, ne penting Moglong suba sadar teken kepelihan Moglonge. Apang tusing biin moglong orahange Pelakor. Nyanan buka batun buluane nglentik tuah abesik, tusing ngelah timpal, wantah pedidian.
Moglong : Bli Bacol, ampurayang tiang. Jani luungan iraga suud metanunagna. Tiang tusing nyak mamusuh ngajak timpal ne uling pidan sai ajak tiang
Bacol : Luh de luh, bli sayang ajak iluh de suudine bli.
Gek Ria : Mai Luh jani alih malu I mongkeg , ngidih pelih ajak ia.
Lantas I moglong ajak gek ria megedi uli kos.
Bu kos : Aduuhh kene kene jani nak bajang trunanne. Milu bane pusing. (megedi uli kos)
Pedidine lantas I Bacol ditu sambilanga meratapi nasibne.
Bacol : Aduh.. adi kene nasib tiange . Jani tunangan sing ngelah, pipis sing ngelah. Jeg luungan tiang mati. Be taluh pejang jumah kakuane ampel-ampelang, Kaden aluh ngalih somah jani mare maselselan.
Keto dadi nasibne I Yan Bacol ulian loba. Disubane ngelah tunangan, mase ngalih mitra. Sakewala jani buka nangkep balange dadue, makadadua tuara bakat.
