Loporan Basa Bali

Teges Laporan
Laporan inggih punika wangun bebaosan lisan utawi tulis ngenénin sekancan pariindik pinaka sarana informasi utawi pertanggung jawaban saha mutusang sahananing wicara sané sampun kamargiang sajeroning organisasi. Laporan mawiguna kaanggén nelatarang sahananing  pangerencana parilaksana miwah hasil sané kakapikolihang ring sajeroning pekaryan sané sampun  kalaksanayang.

Wangun laporan
Wangun laporan wénten makudang-kudang soroh sakadi:
1. Laporan mawangun formulir/utawi matrik, inggih punika laporan sané sampun maduwé
blangko. Sang sané nyurat laporan punika wantah nagingin blangkoné kémanten.
2. Laporan mawangun mémorandum utawi nota, inggih punika laporan sané daging ipun
cendek utawi bawak. Laporan puniki sering kaanggén antuk pejabat ring para karyawané  kémanten.
3. Laporan mawangun surat inggih punika laporan sané katlatarang sakadi surat, tur dagingnyané dados ngunggahang sekancaning pariindik.

4. Laporan mawangun naskah inggih punika laporan sané sakadi makalah, daging ipun kepah 

dados topik miwah sub topik.

5. Laporan mewangun buku inggih punika laporan sané kasusun sakadi buku. 

 Tata Cara Nyurat Laporan 

1. Pangrencana laporan

• Napi sane jagi kalaporang

• Napi mawinan patut kalaporang

• Malih pidan jagi kalaporang

• Indik napi sane jagi kalaporang

Yening sampun sida nyawis pitakene puniki pacang prasida maosang indik latar belakang, 

pikobet, tetujon laporan.

2. Mupulang sapariindik (mengumpulkan bahan)

3. Sistematika utawi nudonang daging laporan

4. Nyurat laporan


Laporan Manggala Wanti Warsa Karang Taruna Guna Karya
Banjar Nyamping

Om Swastyastu
Sané kusumayang titiang bapak Kepala Desa utawi sané ngangganin ring rahani mangkin.
Ida dané krama sami  sané tresna sihin titiang
Ring rahina sané becik puniki ngiring sareng sami ngaturang pangrastiti ring Ida Sang
Hyang Widhi Wasa, santukan wantah sangkaning pasuécan Ida, iraga sareng sami prasida masadu
ajeng iriki jagi maosang indik parikrama pamargin wanti warsa Karang Taruna Guna Karya warsa 2018 sané
sampun kamargiang.
Titiang sané kasudi pinaka ketua panitia, ring rahinané puniki, titiang nunas galah akidik jagi  nlatarang
indik pamargin parikrama puniki .
1. Ngawit rahina radité tanggal 5 januari 2018 jagi kawéntenang acara mareresik ring balé masyarakat
nyantos wewengkon désa .
2. Ring rahina soma selanturnyané pacang kawéntenang lomba widang olahraga miwah permainan sané ngalédangin kayun
3. Ring rahina anggara, kawéntenan pangobatan indik panyingakan sané nénten naur
4. Ring rahinané mangkin ring pajantosan wantiwarsané kawentenang malam kesenian.
Indik prabéa sané kaanggén ngremba acara puniki mawit saking jinah  désa kawewehin antuk kauntungan kupon ajengan sané kerjama sama sareng pangadol ajengan sané sampun kamargiang.

Wantah asapunika prasida uningayang titiang indik pamargin wanti warsa karang taruna banjar nyamping sané kaping selae.
Om Santhi,Santhi, Santhi Om


 Tan Janten, 5 januari 2018
 Manggala Karang TarunaBanjar Nyamping


  I Wayan Widiasa