Lengkara lumaksana

Lengkara manut jejering kakepah dados kakalih
1. Lengkara Lumaksana/ Kalimat Aktif
2. Lengkara Linaksana/ Kalimat Pasif

1. Lengkara Lumaksana (Aktif), lengkara sané jejering lengkaranyané nglaksana pakaryan, kasinahang saking lingingnyané. Cecirén lengkara lumaksana sampun ketah linging lengkaranyané marupa :
a. Kruna kria lumaksana
Umpami : Luh Ayu luas ka peken.
b. Kruna tiron mapanganter (ma)
Umpami : Luh Ayu madagang di peken.
c. Kruna tiron maseseselan (um)
Umpami : Eda Luh Ayu Sumangsaya tekén beli
d. Kruna tiron mapangiring (ang)
Umpami : Luh Ayu, gaénang bapa kopi, sirah bapané puruh!
e. Kruna polah
Umpami : Luh Ayu nyampat di natahé
f. Kruna tiron maweweh gibung ma - an
Umpami : Eda ngawag matimpugan, nyanan ada anak lenan kena!

2. Lengkara Linaksana (pasif), lengkara sané jejering lengkaranyané keni pakaryan. Lengkara Linaksana kaciriang antuk linging lengkaranyané
a. Kruna kria linaksana
Umpami : bukuné suba aba tiang masuk
b. Kruna tiron mapanganter ka - ma
Umpami : suraté suba kakirim dibi sanja
c.  Kruna tiron maseselan in-
Umpami : buku punika puput ka sinurat warsa 2017.
d. Kruna tiron mapangiring in, ang
Umpami : I Bapa luas negakin sepéda motor
         I Bapa nyemakang biu aijas
e. Kruna tiron mawewehan gibung ka - an
Umpami : makejang tuturanga kajelékan timpalné