Dialog Basa Bali madaging paribasa

                                   Telat
Sabilang maan paplajahan Bahasa Bali, Gedé Arya setata telat masuk kelas. Ento mawinan ia gedegina tekén guru Bahasa Baliné.
" Tok, tok, tok.., tok.... ampura Pak, titiang telat ". Gedé Arya manggutan saha ngojog bangku tongosnsé negak..
"Wih... Gedé....., tegarang mai malu!. Ngudiang dadi sabilang Bapak ngajahin telat dogén?. Apaké Gedé tusing demen tekén paplajahan  Bahasa Bali?. Apeké Gedé tusing demen teken Bapak ané ngajahin Bahasa Bali?" Apa mulan Gedé (1)majoan pancing masekolah.  Bapak  Guru matakon saha gedeg.
Gedé Arya nguntul, majujuk di arep guru Bahasa Baliné tuara bani matolihan. Marasa tekén déwékné pelih. Iya mendep tan pasaut (2)buka togogé lolohin.
Guruné buin matakon, semuné brangti, sawiréh patakoné tan kasautin.
Gedé suba ngae tugas paribasa ané aminggu orain bapak ngumpul jani paling lambat!
Géde Arya mendep (3)buka siapé sambehin injin.
"Eh..., Gedé, dingeh patakon Bapak? Dadi mendep?"
Ngangsehang Gedé Arya masaut sada gugup, "Am, am, ampura titiang telat Pak,!"
Tiang dibi wengi magadang nika pak, reraman titiang wénten sané sungkan opname ring Rumah Sakit, dadosné mangkin telat ngranjing ka sekolah, (4)sekadi bé siap mawadah naré padéwékan titiangé mangkin pak.
Buiihh misi maparibasa I Gedé Arya, Yakti ento Géde, sing nyen raos Gedé (5)mabuah jaka.
Sa....., sapuniki Pak, titiang telat wau ping kalih kémanten. Ampura titiang, ngawit benjang titiang nénten ngwawanin malih", Gedé Arya mapasaur saha  (6)maketimun pait tekéning Bapak guru.
"Ngih, kewala apang saja buka raos Gedé! Yéning buin telat, tusing manut raos Gedé, Bapak lakar nekaang reraman Gedé ka sekolah. Kenken?" Guru Bahasa Baliné nyekenang matakén
"Inggih Pak..... Titiang misadia kadi napi sané kabaosang Bapak. Yéning malih titiang telat, titiang misadia ngrauhang reraman titiangé ka sekolah". Atur Gedé Arya.
"Nah yén keto jani dadi suba Gedé Arya marengin paplajahan Bahasa Bali, nanging eda engsap teken janji.
Inggih Pak....." saur Gedé Arya sinambi ngojog tongosné negak.