Majeng Ida dane sareng sami banget wangiang titiang, sane mangkin titiang jagi ngicenin imba ngenenin indik dialog utawi drama sane nganggen basa Bali. Dialog punika nganggen basita paribasa (Peribahasa) ring unteng bebaosan puniki. Diolog puniki nyaritayang indik jatma sane mawasta I Belog miwah parisolahipun sekadi wastannyané. Lempas sareng carita sane wenten ring drama puniki wantah kaanggen imba kemanten. Tatujone mangda prasida uning tur prasida nganggen basita paribasa rikala mabebaosan utawi magegonjakan sareng sawitra miwah sane lianan, Sinampura titiang nénten malih mabaos kangin kauh. Inggih mangda nenten akeh nelasang galah durusang wacen manten ring sor puniki.
Ada ketuturan satua anak belog. Baan belogne ia adanina I belog. Sedek dina ia tundene meli bebek ka peken teken memene.
Meme : cening belog, mai malu ,tulungin je malu meme
Belog : apa me ?
Meme : beliang je p meme bebek duang ukud
Belog : oh nah me
Meme : eh eh enden malu pise engken ne!
Belog : oaje me, sap rage me
Meme :neh pise, ingetang meli bebek duang ukud ane mokoh lan baat. Ede nyen mekelo, disuude mebelanja ingetang mulih. De cai meplayanan
Belog : nah me. De je care becica ujanan nake me
Meme : nah nah kemu enggalin
Disubane I Belog neked di peken, kema mai ia ngalihin dagang bebek, lantas tepukina jero dagang bebek
Dagang 1: yeh ade i belog, nak ngujang mai log ?
Belog : ne me, tiang jagi metumbasan bebek kekalih.
Dagang 1: apa apa ? sing pelih to memunyi? Lakar meli bebek keto ? ehh pang tawang cai nah, ane dadi meblanje dini, tuah anak ane dueg-dueg dogen. Buka kropak mejalan baan duegne pang tawang cai.
Belog : yeh meme, yapin adan tiange i belog, buka anake ngorahang, cenik-cenikan gajahe, nak misi mase mulukne. Sebelog-belog tiange, nak misi mase isin otak tiange.
Dagang 1: nah lamun saje cai dueg, saurin malu cecimpedan memene. Yen beneh pesaur caine, baang sube cai meblanja dini.
Belog : nah yen keto, jek cgt to me. Sakewala yening pesaur tiange pelih, kengken me ?
Dagang 1 : yan pelih, jek cgt mase to, megedi cai uli dini sing dadi dini meblanja, leteh nyanan pedagangan memene.
Belog : peh tumben tiang nepuk nak medagang kene, nah nah yen keto, napi napi to cecimpedane ? pesuang me
Dagang 1 : nah yening keto, apa ke anak berag landung ngelah panak liu ?
Belog : peh jek aluh tu me. Ngidem tiang ngidaang nyaurin.
Dagang 1 : nah ape ape to pesaurne ?
Belog : meme be to. Awak memene berag, ngelah panak plekutus. Sube pasti beneh kan pesaur tiange me ?
Dagang 1 :apa apa ke oraang ? ehh tolih ne basang memene, amone kencengne oraang cai ngelah panak plekutus! Ngawag cai memunyi. Pesaur ane patut ento nak “jan” nawang. Jek meme oraang cai. Megedi cai uli dini. Meme sing nerima anak care cai dini meblanja, leteh nyanan pedagangan memene.
Belog : beh ampura-ampura me, baang je tiang metumbasan iriki me.
Dagang 1 : sing-sing! keto be cai prakpak balog anggon sundih, anak belog ngaku ririh. Sing dadi dini meblanja. Megedi-megedi uli dini.
Krana I Belog tusing nyidayang nyaurin pitaken jero dagangane ento, lantas I Belog paling ngalihin dagang bebek ane lianan. Lantas ada dagang bebek ane nyaukin I Belog
Dagang 2 : cening…cening.. mai mai lakar meli ape? Adi kilang kileng uling tuni care siap sambehin injin.
Belog : oh.. tiang lakar meli bebek nika.
Dagang 2 : tiang ngadep bebek mase. Mai-mai dini gen numbas.
Belog :seken nika jero ? ten wenten nyaurin cecimpedan dumun satonden matumbasan?
Dagang 2 : aih dije ade nak madagang misi nyaurin cecimpedan malu ? kuda-kuda to pacing
Belog : dadua nika jero.
Dagang 2 : oh nggih-nggih niki bebeke. Aji seket tali pun bang tiang.
Belog : niki-niki jero jinahne.
Dagang 2 : nggih-nggih, ten maan susuk nggih.
Belog : ne mare adane dagang suba jegeg buina tingkahne luung, sing care dagang ne lenan ngucicak care becica ujanan jek munyi-munyi doen pesu. Buka jadma es tabia, wiadin nyem lalah, gendeng-gendengan.
Sesubane I Belog manang meli bebek, lantas I Belog mulih. Setondene neked jumah, tepukina timpal-timpalne maplayanan di sisin tukade.
Belog : magending Meong-Meong
Luh Tu : Log-log mai ke sep
Belog : ngujang ?
Made : apa to abe ci ?
Belog : ne ape ke tolih.. bebek abe cang
Eka : tawang bebek., Nak ngujang ci ngabe bebek? Nyen ngorain?
Belog : ne memen cange ngorain meli bebek ane mokoh-mokoh jak ane baat
Luh Tu : oh keto..
Dekwik : cobak ci tes malun bebek cine baat ape sing., pangsing ci pocol meli lan welange teken i meme
Belog : oh misi tes ae?
Made : yeh kengken ci.. ajaan i belog tusing nawang ape
Belog : nah-nah.. engken carane?
Putu : ne oraine nyen carane: jani ci ngabe bebek dadua, apang tawang baat, mumpung dini ade tukad cobak malu lebang bebek cine meke dadue. Amun ye kelem berarti bebek cine baat, amun ye ngambang, pelih ci meli bebek tuara misi ape utawi puyung.
Belo g : nah- nah luung amun keto. Jani mai barengai cang nge tes bebek cange, pang tawang baat ape puyung.
Putu : mai nake
Belog : eh tolih ke to bebek cange ngambang ye meke dadua
Made : nah to be ci pelih meli bebek. Bebek puyung belin ci.
Belog : kenken men jani bebek cange puyung
Luh Tu : nah to depin be bebek cine ane puyung. De runguange, pin pang anyut to bebeke. Jani ajake meplayanan
Belog : welange nyanan cang ajak memen cange
Dekwik : nah jani cang ngorain : Ci oraine meli bebek ape? Bebek baat, ane abe ci bebek puyung, yen jani ci mulih masi patuh welange. Durian to itungang, nyanan cang jak timpal-timpal ngatoang ci mulih ngorain memen cine. Sekondene ento ajake meplayanan malu.
T impal” : aje aje atoange je nyanan
Belog : nah-nah amun keto luung masi
Luh Tu : timpal-timpal mumpung jani sube mekonyang mepupul dini, ajake nyen jani meplayanan
Putu : meplayanan ape dik luungne ?
Eka : nah.. mumpung Putu metakon.. jani dingeang beneh-beneh. Irage ane dini jak mekejang sujatine anak Bali ane cinta lan bangga teken gumi Baline ne. beneh toh?
T impal” : peh beneh san to de be takonange
Eka : nah.. sepatutne
Made : Ahh lebian sambutan .. INDONESIA RAYA ci malu
Luh Tu : de nake I Eka ketoange.. beneh to ane oraange, lanjut ka lanjut
Eka : nah sepatutne iraga jak mekejang ne ajeg lan ngelestariang budaya Baline apang tusing kelem teken budaya luar ane sube mewabah ke seluruh penjuru negeri sekadi virus.
T impal” : beneh to beneh
Luh Tu : cang setuju, luung to amun iraga ngidaang ngelestariang budaya Baline
Belog : cang setuju masi
Putu : ah ci setuju-setuju gen log.. ci ngerti ape ne orange I Eka?
Dekwik : nah amun be luung keneh timpal-timpal ajak mekejang.. cang ngelah permainan ane madan cecimpedan. Ci nawang kan cecimpedan ?
T impal” : nawang..
Belog : beh amun keto de be takonange.. ci sing nawang di SD cang No. 1 soal kene- kenean. CGT TO
Made : nah amun keto edengang jani dini keduegan caine. Pangsing care becice ujanan ci.. lebian bacot
Belog : oke.. siapa takut
Dekwik : cang ngorain jani.. nyanan timpal-timpal cang bagi dadi duang kelas. Nyen ane bise nyawab masuk ke kelas dueg, lan ane sing bise nyawab masuk ke kelas belog. Setuju?
Timpal” : setuju
Dekwik : No 1. Apa ke yan ngedenang, nyo-nyone ngeliunang?
Made : cang nawang to jawabane, punyan gedang. Beneh kan cang?
Dekwik : nah beneh to jawabane. Made masuk ke kelas dueg. Jani No 2 Apeke ento yen jemuh belus, nangih yen tusing jemuh ye tuh?
Eka : sirah lengar
Dekwik : peh tepat san to jawabane. Sube jegeg, misi dueg, calon mantu idaman ne.. Nah Eka kemu alih i Made di kelas dueg. Selanjutne No 3 Apeke nembak bataran kenaine cunguh?
Putu : mendep malun jak mekonyang jani oraine nyen jawabane, anak ngentut kan?
Dekwik : peh beneh san to Putu. Kaden cang ci munyi-munyi doen buka naar krupuk gedenan kroakan. Nah jani pertanyaan No 4. Apeke muncukne beten, bongkolne baduur?
Luh Tu : cang be to nyawab. Jawabane jenggot
Dekwik : beneh to Luh Tu. Kemu masuk ke kelas dueg. Nah jani nu I Belog doen. Log ne cai ngoraang No. 1 masalah kene-kenean.. Jani cobak ci tolih timpal-timpal cine mekonyang sube bise nyawab lan masuk ke kelas dueg. Jani untuk cai baang cang cecimpedan ane paling spesial dingeang beneh-beneh. Yen ci bise nyawab akuin cang ci dueg.
Belog : apa to?
Dekwik : dingeang beneh-beneh. Apake Mare celepang enduk, mare pesuang kekeh?
Belog : seken to? Sing pelih cai metakon?
Dewik : seken.. ngujang pelih?
Belog : ahh cai jorok.
Dekwik : jorok kenken? Nah ape jawabane?
Belog : jawabane tuuttttt.. sing dadi anak cenik ningeang
Dekwik : peh sajaan ngeres san otak caine. Patut cang acungi jempol kebelogan caine. Ne mare beneh buka naar krupuk gedenan kroakan. Munyi-munyi doen cai liu, kale tusing ade ne beneh.
Luh Tu : aje to.. nak ngoreng godoh jawabane ne beneh
Eka : I Belog masukang be ye ke kelas belog sube patuh care adane ber jek pas be to.
Belog : nah-nah cang pelih
Made : suud-suud de nake I Belog ketoange, pedalem nake. Sing tolih ci bibihne komat- kamit uli tunyan.
Belog : sing ade keto De..
Putu : nah jani liwatang be to ane tunyan, mai ajake meplayanan biin.
Luh Tu : ae beneh to.. jani cang ngemaang usul, ajake nyen meplayanan engkeb-engkeban. Seru asanange to.
Made : ae cang demen masi playanane to. Nah jani nyen ne nyage?
Dekwik : nah itunyan kan i belog masuk ke kelas belog didiane. Jani nyen setuju I Belog ne nyage malanan? Nyanan gantian
Timpal” : setuju
Belog : peh cang setuju to. Cang no 1 masalah kene-kenean.
Made : ah cai uli tunyan No 1 No 1 gen. Gebuh ci log
Eka : nah-nah amun be i belog setuju luung amun keto. Jani ci petek 1-10 sing dadi tolah-tolih jek ingetang metek doen.
Putu : pas ci metek iraga mengkeb sekitaran dini. Inget timpal-timpal sing dadi joh-joh uli dini. Pedalem nake I Belog ngaliin joh-joh.
Dekwik : aje beneh to. Nah jani log ci malu nyage, nyanan cang ngantinin. Kipekang malun awak cine di punyan nyambune ento petek men 1-10. Ikhlas ci log?
Belog : peh dengan senang hati jek ikhlas kuadrat cang. Be sing sabar ne. Jani cang metek. 1 2 5 9 10. Timpal-timpal?
Meme : ije kone lakune i belog uli tunyan sing teke-teke
Dagang 2 : yeh men belog nak ngujang mejalan kaje-kelod care penerikan?
Meme : niki tiyang ngantiang i belog uli tunyan dereng teke-teke. Nak orain tiyang numbas bebek iya dadua.
Dagang 2 : yeh i tunyan nike i belog numbas bebek kalih sik tiyange
Meme : oh sube ye meli? Kije kaden lakune jani ye i belog
Dagang 2 : gih.. sampun. suud numbas bebek pun langsung magedi nike ye.. nggih tiyang kar mulih dumun gih, nyanan amun tepuk i belog orain tiyang langsung ye mulih.
Meme : gih-gih, suksma suksma amun kenten
Dagang 1 : yeh log nak ngujang cai dini? Mare tuni tepuk di peken
Belog : ne me tiang nu meplalian engkeb-engkeban ajak timpal-timpale.
Dagang1 : nyen gen to timpal-timpal caine?
Belog : to me I Dekwik, Made, Putu, Eka, Luh Tu
Dagang1 :I Dekwik? I Made? I Putu? Yeh belog-belog, timpal-timpal caine sube mulih uli tuni, ade ne meimpas jak meme di jalan, ade ne sube medaran jumahne. Jek bakat dogen uluk-uluke
Belog : neh kalaina tiang teken timpal-timpale. Nah tiang ka mulih be nah lamun keto.
Dagang1 : Belog, Belog, jek bakat dogen uluk-uluke
Sesuudne maplayanan, I Belog lantas mulih. Neked jumah, memene I Belog nakonang bebek sane tondene meli.
Meme : adi mekelo san nah i belog mebelanja ? (sambilange kemu mai di malun umahne)
Lantas teke i belog
Belog : me ngudang ditu ?
Meme : yeh. Meme ngantiang cening, encen bebekke ?
Belog : hah... bebek ? Ooo... maan tiang meli bebek tuyan me, nanging uluk-uluke jak dagang bebekke ento.
Meme : ngujang bise keto ?
Belog : kene me, tunyan tiang mapas timpal-timpal tiange di sisin tukade, lantas ditu tiang orainne ngelebang bebeke, yening kambang ento artine bebek puyung. Nah ditu
lantas tiang ngelebang bebeke ento ke tukade. Beh jeg kambang lantas bebeke ditu. Bebek puyung bakat beli tiang me. Tiang uluk-ulukke teken dagang bebeke. Baan sebet dewek tiange lantas ulah tiang bebekke ento. Laut kalain tiang meplayanan.
Meme : mihhh ratuuu cening cening belog, belog pesan adi dewek ceninge. Bebek ento nak mula bise ngelangi, to makrana ia kambang di tukade. Keto sube cening keliwat belog, aluh baan anake nguluk-nguluk.
Sekadi sapunika persembahan drama i belog. Manut saking cerita punika irage dados jatma sepatutnyane rajin melajah ngerereh pangweruhan mangda nenten aluh kabog- bogin anak lianan. Klungkung semarapura, kirang langkung nunas ampura. – sukseme--
Inggih ida dane sane banget kusumayang titiang, wantah amunika dumun sane prasida aturang titiang. Manawita benjang pungkur wenten galah miwah lantang tuuh. Irika malih lanturang titiang. Suksma
Tidak ada komentar:
Posting Komentar