SWALAPATRA

SURAT / REREPI

 Surat utawi swalapatra inggih punika pinaka piranti baos marupa tulisan tur katuju majeng ring angga sane kaarsa utawi majeng ring perkantoran / lembaga sane lianan.
Yening tilik ring sorohnyane surat kapalih dados tigang soroh:
1.      Surat Pribadi
Inggih punika surat sane katulis olih sang sane nulis katuju / kakirim majeng ring anak sane lianan tur kahananipun indik anggane padidi (pribadi)
Indik dagingnyane surat pribadi punika wenten:
-          Madaging indik pikobet kulawarga, pasawitran miwah nyantenang raga (perkenalan)
-          Surat pribadi sane masifat resmi, umpami surat mapiuning ka sekolah, surat ngalamar karya.

Struktur Sewalapatra Pribadi
Tetujon/alamat Sewalapatra
Salam Pamungkah/Pembuka
Lengkara Pamungkah
Daging Sewalapatra
Lengkara Pamuput
Salam Pamuput
Genah lan Pinanggal Sewalapatra
Sang sane Ngaryanin Sewalapatra
Guru Rupaka (S. Pribadi sane Resmi)

2.      Surat Dinas / Resmi
Inggih punika surat sane dagingnyane mapaiketan ring indik kedinasan, resmi (saking pemerintahan)
3.      Surat Niaga
Inggih punika surat sane kaanggen pisarat ring madolan / dagang (kepentingan bisnis)

Ritatkala pacang nyurat sewalapatra, wenten sane patut elingang miwah uratiang.
Pah-pahan wangun sewalapatra puniki luiripun:

No. Istilah Indonesia Ring Basa Bali
1 Kop surat Ulu surat
2 Tanggal surat Tanggal Surat
3 Nomor surat Number surat
4 Lampiran surat Lepihan surat
5 Hal surat Indik surat
6 Alamat surat Genah sane katuju
7 Salam pembuka Pangastuti
8 Salam penutup Parama Shanti
9 Isi surat Daging surat
10 Pengirim surat Sang ngirim surat
11 Tembusan surat Tumusan surat
12 Inisial surat Sang sinurat

No. Istilah Indonesia Basa Bali
1 Yth. ( Yang terhormat) Swt. (Sane Wangiang titiang)
Spt. (Sane Pesinggihin titiang)
2 Ytc. ( Yang tercinta) Stt. (Sane tresnain titian)
3 Yts. ( Yang tersayang) Sat. (Sane asihin titian)
4 d. a. (dengan alamat) a.g. (antuk genah)
5 n. (atas nama) a.p. (antuk parab)
6 u. b. (untuk beliau) m.d. (majeng dane)
7 Sdr. (Saudara) Smt. (Semeton)
8 Ttd. (Tertanda tangan) Klt. (Kalinggatanganin)
9 Dll. (dan lain-lain) Msl. (Miwah sane lianan)






 Conto Surat Pribadi nenten masifat resmi:
Surat praya katur ring Bapa kalih meme malinggih ring Banjar tegal, Buleleng
“Om Swastyastu”
       Malarapan antuk rerepi puniki,titiang nguningayang ring Bapa kalih Meme iriki santukan pelajahan ring SMK ngakehan bandingang sareng ring SMP. Nah wawu mangkin tiang polih galah makabar. Kahanan tiange ring Badung amangkinan becik-becik kemanten, kenten taler Bapa kalih Meme irika mangdane kenak.
       Meme, Bapa, sane mangkin tiang nabdabang dewek jagi nyarengin test kenaikan kelas semester, maih pitung rahina saking mangkin. Dumogi sueca Ida Sang Hyang Parama Kawi, mangda tiang polih nilaisane becik. Yening nyarengin tes kenaikan kelas, tiang kapituduh mangda muputang tugas-tugas sane kaicen olih Bapak/Ibu Guru ring sekolah. Ne mangkin tiang taler malih nyungkanin, meratin Bapa kalih Meme.tiang kirangan bea jagi anggen tiang nyangkepin tugas-tugase punika. Ne banget pinunas titiang saha ledang Bapa kalih Meme mangdane sida ngicen titiang jinah anggen makarya tugase punika.
       Inggih wantah wantah asapunika pinunas titiang, sapakaon surat puniki mangda ledang Bapa kalih Meme ngampurayang. Rauh iriki dumun surat titiange, dumadak Bapa kalih meme ring jumah dirgayusa taler nyaman-nyaman titiange irika sami mangga ngamangguhang karahajengan.
“Om Santhi, Santhi, Santhi, Om”
                                                                                             Denpasar, 14 Februari 2012
                                                                                             Titiang,
                                                                                                                 
                                                                                                     
                                                                                             Luh Suratni