Pidarta

Suksman Pidarta
Pidarta inggih punika daging pikayunan sane kawedar majeng anak sareng akeh, mangda napi sane kawedar prasida karesepang saha kalaksanayang. Wenten makudang-kudang soroh pidarta minakadi:
Pidarta dadakan
Pidarta sane kawedar nenten nganggen teks.
Pidarta Ngwacen
Pidarta sane kawedar antuk nganggen teks sane sampun kasayagayang.
Pidarta Tutur (lisan)
Pidarta sane kawedar marupa basa tutur (lisan) malarapan ngapalang teks
Pidarta Ardatutur (semilisan)
Pidarta sane kawedar makta ringkesan utawi unteng-unteng bebaosan sane kakembangan antuk basa basa tutur (lisan)

Ritatkala jagi makarya pidarta patut nganutin struktur Pidarta minakadi:
Murda
Pamahbah/pendahuluan
Panganjali
Matur suksma
Rasa angayubagia
Daging Pidarta
Pamuput
Matur suksma
Nyutetang daging baos
Nunas pengampura
Parama santih
Agem utawi tetikes mapidarta
Wicara inggih punika ngeninin indik topik utawi tema pidarta
Wirama inggih punika tata suara sane mapaikaetan ring suara miwah intonasi
Wirasa inggih punika penghayatan ritatkala maktayang pidarta
Wiraga inggih punika semita utawi laras (bahasa tubuh) sang sane maktayang
Panureksan Mapidarta
Pengelolaan tema
Murdan pidarta mangda manut ring tema sane kaicen antuk lembaga sane ngawentenang lomba
Bahasa
Sane katureksa minakadi suara (vocal), pelafalan, miwah anggah ungguhing basa Bali
Penguasaan materi
Duaning sang mapidarta pacing nenten nganggen teks yening wenten nenten lancar pacang ngirangin nilai. 
Amanat 
Amanat sane katureksa manut tema utawi topic sane kabaosang
Penampilan
Sane katureksa inggih punika wiraga utawi bahasa tubuh sang pamidarta mangda manut ring napi kabaosangang

Luir bebaosan Pidarta.
Dharma wacana inggih punika bebaosan pidarta sane kawedar majeng anak sane akeh sane madaging indik sastra agama.
Sambrama wacana inggih punika bebaosan pidarta sane kawedar punika panyanggra tamiu sajeroning upacara adat utawi agama
Dharma tula inggih punika mabligbagan indik ajahan sastra agama (diskusi)
Widhya tula inggih punika mabligbagan indik daging kaweruhan (ilmu pengetahuan)
Dharma suaka inggih punika bebaosan pidarta sane daging ipun wenten sane jagi kasuakayang.
Atur piuning inggih punika mabebaosan mabasa bali alus sane nguningayang kawentenan karya sane jagi kalaksanyang